प्रदिपको फिल्म ‘रोजी’मा कर्मा डिएसपी

काठमाडौँ । नायक प्रदीप खड्का यतिबेला नयाँ फिल्म ‘रोजी’ मा व्यस्त छन् । निरक पौडेलले निर्देशन गरिरहेको यो फिल्मले प्रेमीले आफ्नै प्रेमिकाको हत्या गरेको कथा बोल्छ । यसमा प्रदीपको अपोजिटमा अभिनेत्री परमिता आरएल राणा छिन् । अभिनेत्री मिरुना मगरको पनि प्रमुख भूमिका छ ।

सुरुवातदेखि नै फिल्ममा अभिनेता कर्मा शाक्यको अभिनय रहने बताइए पनि उनकोे भूमिकाको विषयमा भने खुलाइएको थिएन । अन्ततः यसको पनि पर्दाफास भएको छ । फिल्मकी कलाकार पल्पसा डंगोलले फेसबुकमा शेयर गरेको एक तश्बिरमा कर्मालाई डिएसपीको पोशाकमा देख्न सकिन्छ ।

गोपीकृष्ण मुभिज र आरोही इन्टरटेन्मेन्टको ब्यानरमा बनिरहेको फिल्मको प्रस्तुतकर्तामा उद्धव पौडेल रहेका छन् । आयरा पौडेल र आरोही केसीको निर्माण रहेको ‘रोजी’ लाई राजु विक्रम थापाले खिचिरहेका छन् । यसको कथा केदार भुषालले लेखेका हुन्